فرق بين الزغير وداسته اجدام
وفرق بين الكبر مالمته عيون
طبع بالفاس ويه الشجره عدوان
وتموت الشجرة لعيون اليكطعون
علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه
كبل جانت الدمعه بعيني بت بيت
اظن حتى الرمش مايدري بيها
وهسه اعليك ضلت كاضه الباب
الرايح واليجي يعاين اعليها
لان انت ورد نزعل اذا تنداس
وعليك نموت كلنه ومحد يدوسك
ولان انت حلو ونخاف نلزك بيك
كمنه انرش عليك أميـه ونبوسك
اريد اعلن حداد وللعشگ ماعود
واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاگيني
ماريدك بعد لو انت روحي اتصير
و ماريدك لون من موت تحييني
امشي دليني لطريقج وين صار
تيهت الطريق وبعد ما امشي
وشفت وحده من بعيد وانتي ظنيتج
بس شفتها بخيانه تحضر لنعشي
كلي يا درب بي امشي حتى الكاك
اذا كل الطرق كدامي مسدوده
عذبوني ودمروني وما كلت انساك
واذا انساك كايل اكتلني بالعوده