شكالووووولك علية

شكالولك عليه وصار وجهك سيف *** وتعرفني التكتلك والحجي مصدگه
شجره ومو بديه وتدري وكتك ريح *** وتحملني ذنب من طيحت ورگــه
خلك ساتر ولك سويت خلگي وياك *** شكد موت وجثث ماضيجت خلگه
مو من صالحك عالجرف تزرع عود***ماتدري أعله ساعه يفيض ويغرگه
ومن شفت الخناجر خذت دور السيف***كلت ياروح صيري بهالوكت درگه
وتسالني تگلي شسوه وكتك بيـــك *** شسولفلك شكلك ؟ تكتل الحرگه
ذبني أبير بيده وكال اكلني الذيب *** ورسم للذيب صوره وجثتي بحلگه
وطفاني وعالجمر بچفوفه رش الماي*** ورد ينفخ رماد ويا جمر يلـــگه
ما يدري الوكت لو عكس هدة خيل*** اللي يطيح بدربهه جدامهه تسحگه
وذبحني مناطرك غيم ومطرها يطيح*** گظت شوغات روحي لهفة الملگه
مثل فزة مفارك من تجيني بطيف *** اشبكنك وافز وكلشي ما ألگـــــــــه
مو ذنبي تره لبعض البشر ماــــلوك*** لأن طبعي صريح وراسي مادنـگه
اللؤلؤء باللضم كلش جميل يصــــير***بس هوه الحجي عالرگبه التعـلگه